Չորեքշաբթի օրը Հունաստանի դատախազությունը քրեական գործ է հարուցել, որով ենթադրվում է, որ 2008թ.-ին նախապատրաստվել է մահափորձ, որի զոհը պետք է դառնար այն ժամանակ երկրի վարչապետի պաշտոնը զբաղեցնող Կոստաս Կարամանլիսը:
Reuters գործակալության տեղեկություններով, որը հղում է կատարում Հունաստանի իրավապահներին, քննիչների մոտ է հայտնվել մի փաստաթուղթ, որը թույլ է տալիս պնդել նման դավադրության կազմակերպման մասին:
Նշվում է, որ հանցագործները փորձել են այդ մահափորձով կանխել Ռուսաստանի և Հունաստանի միջև համաձայնագրի ստորագրումը, որով նախատեսվում էր «Հարավային հոսք» գազատարի կառուցումը:
Այլ մանրամասներ չեն հաղորդվում: Չի նշվում, թե ում նկատմամբ է հարուցվել քրեական գործ: Կոստաս Կարամանլիսը, որը 2009թ.-ի խորհրդարանական ընտրություններից հետո լքել էր իր պաշտոնը, այս տեղեկությունը չի մեկնաբանել:
