ՀԱԿ-ում ընտրական ցուցակի շուրջ քննարկում է տեղի ունեցել, սակայն առայժմ ոչինչ չի հրապարակվում: Ինչպես այսօր ասուլիսում հայտարարեց ՀՀ նախկին վարչապետ Հրանտ Բագրատյանը, ինքն անձամբ չի մասնակցել քննարկումներին:
«Այս փուլում ամբիցիաներ չպետք է դրսևորվեն, սա ավարտական փուլն է: Մայիսից հետո նոր ժամանակներ կսկսվեն: Այս քննարկումը ցույց տվեց, որ եթե Տեր-Պետրոսյանը չկա, ապա չկա ՀԱԿ»,- ասաց Հ. Բագրատյանը` հավելելով, որ քննարկումը վկայեց նաև այն մասին, որ ՀԱԿ անդամ կուսակցությունները կոնսենսուսի չեն գալիս:
Նա նշեց, որ այսօր որոշումներն ընդունված են, ՀԱԿ ցուցակը պատրաստ է, թեև եղել են մարդիկ, ովքեր համաձայն չէին իրենց տրված տեղին:
Ինքը՝ Բագրատյանը, հավանաբար, տասնյակում է: Ամեն դեպքում, ըստ Բագրատյանի, իշխանությունը ամեն ինչ կանի, որպեսզի Հրանտ Բագրատյանը չհայտնվի ԱԺ-ում: «ՀԱԿ-ում տնտեսագիտական թիմը կարգով գերազանցում է իշխանության թիմին»,- ասաց Հ. Բագրատյանը:
