Save the Children բարեգործական ընկերությունը հայտնում է, որ Իսրայելի բանտերում ամեն տարի կալանավորվող հարյուրավոր պաղեստինցի երեխաներն ազատ արձակվելուց հետո մղձավանջներ են ունենում և դժվարությամբ են վերադառնում նորմալ կյանքին:
Ինչպես հաղորդում է Reuters-ը, բարեգործական ընկերությունն ասել է, որ 2000 թվականից ի վեր Իսրայելի բանակը կալանավորել է պաղեստինցի 8000 երեխայի և ռազմական դատարաններում անցկացրել է մինչև անգամ 12 երեխաների դատավարություն: Երեխաների մեծամասնությանը մեղադրել են ցույցերի ժամանակ քարեր նետելու մեջ:
Կալանավորված երեխաների 98 տոկոսը հաղորդել է, որ իր նկատմամբ Իսրայելի զինվորների կողմից ֆիզիկական կամ հոգեբանական բռնություն է իրականացվել: Կազմակերպության ծրագրերի խորհրդատու Էյան Ալ-Արայն ասել է, որ այս ամենը հոգաբանական սպի է թողնում բոլոր երեխաների վրա:
