Եմենի ռազմական բազայում մահապարտ ահաբեկիչն այսօր պայթեցրել է ինքն իրեն, որից հետո նույն բազայի վրա հարձակվել են «Ալ-Կաիդա»–ի գրոհայինները` սպանելով երեք զինվորի: Այս մասին, The Washington post-ի հաղորդմամբ, հայտնել են ռազմական պաշտոնյաները:
Հարձակումը միայն մեկն էր այն մի քանի պատահարներից, որոնք տեղի են ունեցել այսօր և որոնցում ներգրավված է եղել «Ալ-Կաիդա»–ն, որն օգտվում է երկրի ներքին անհանգիստ վիճակից՝ իր դիրքերը հաստատելու համար:
Բայդա շրջանի բազայի վրա հարձակումից հետո կառավարական զորքերը հարձակվել են գրոհայինների մեքենայի վրա: Պաշտոնյաներն ասում են, որ մեքենայում եղած բոլոր 4 մարդիկ մահացել են` ներառյալ երկրում «Ալ-Կաիդա»–ի առաջնորդը, ով հայտնի է Նասեր Ալ-Զաֆարի անունով:
