Այժմ շաքարախտով հիվանդները նոր սարքի միջոցով ի վիճակի կլինեն տնօրինել իրենց վիճակը: Այն նախատեսված է iPhone-ների և iPod-ների համար: Այս մասին հաղորդում է Daily mail-ը:
Գլյուկոզային մոնիտորը հիվանդներին հնարավորություն է տալիս ստուգել իրենց արյան մեջ շաքարի մակարդակը՝ ցանկացած պահի հեռախոսն օգտագործելիս:
iBGStar սարքը, որը միանում է iPhone-ին կամ iPod-ին, հնարավորություն է տալիս հետևել և վերլուծել բժշկական տվյալները:
Արյան մեջ շաքարի պարունակության ճշգրիտ վերահսկումը շատ կարևոր է հիվանդությունը ղեկավարելու համար:
Այն հատկապես կարևոր է 1-ին կարգի շաքարախտով հիվանդների համար, որոնց դեպքում արյան մեջ շաքարի պարունակությունը կարող է հասնել վտանգավոր մակարդակի:
Արյան մեջ շաքարի մակարդակի բարձրանալը կարող է լուրջ բարդությունների պատճառ դառնալ, այդ թվում՝ շարքից հանել սիրտը, երիկամները, նյարդային բջիջները և աչքերը:
Արյան մեջ շաքարի մակարդակը որոշող սովորական մոնիտորները ձեռքի ափի չափ ունեցող սարքեր են: Մինչդեռ iBGStar-ի երկարությունը ընդամենը մեկ մատնաչափ է: Այն միանգամից միանում է iPhone-ին կամ iPod-ին: Ստուգման արդյունքն անմիջապես երևում է էկրանին:
Սարքն օգտագործողներին հնարավորություն է տալիս հետևել փոփոխություններին և տատանումներին, նաև այպիսի տեղեկատվության, ինչպիսիք են օրինակ՝ ածխաջրածնի ընդունումը, ինսուլինի ներարկումները և վարժությունները:
