ԱՄՆ պետքարտուղար Հիլարի Քլինթոնը Նյու Յորքում գտնվող ՄԱԿ-ի կենտրոնակայանում հանդիպելէ ռուսաստանցի իր պաշտոնակից Սերգեյ Լավրովի հետ: Այս մասին հաղորդում է Interfax գործակալությունը: Հանդիպման այլ մանրամասներ չեն հաղորդվում:
Ավելի վաղ ՄԱԿ-ում տեղի է ունեցել Անվտանգության խորհրդի 15 անդամների արտաքին գործերի նախարարների հանդիպումը, որտեղ քննարկվել են մերձավորարևելյան մի շարք խնդիրներ, այդ թվում` Սիրիայի և Լիբիայի հարցերը: Այդ քննարկումից հետո ՌԴ արտգործնախարարը հայտարարել է, որ Սիրիայի հարցով տարաձայնությունները հաղթահարված չեն. «Քանի դեռ մենք չենք հաղթահարել բոլոր տարաձայնությունները, կարգավորման մեխանիզմները չեն գործի», ասել է Լավրովը:
Նա նշել է, որ Մոսկվան շարունակում է քննարկումներ իրականացնել պաշտոնական Դամասկոսի հետ` կոչ անելով կարգավորել ստեղծված իրավիճակը: «Սակայն արդար չի լինի ասել, որ ամեն ինչ կախված է Ռուսաստանից: Ես, օրինակ, նախ կցանկանայի, որպեսզի ԱՄՆ-ը դադարեցներ բնություններն Աֆղանստանում: Սակայն ամեն ինչ չէ, որ նրանց ձեռքերում է», նշել է արտգործնախարարը, որի խոսքերը մեջբերում է RIA-Novosti գործակալությունը:
