«Ժողովուրդ»-ի աղբյուրները տեղեկացրել են, որ մոտ 10 օր առաջ Երևանի պետական համալսարանում անվճար բաժանել են «Ռեդբուլ» կոչվող էներգետիկ ըմպելիք:
«Թե որն է եղել դրա պատճառը, պարզ է` ընկերությունը գովազդում է իր ներկրած ապրանքանիշը: Իսկ թե ինչու է համալսարանի ռեկտոր Արամ Սիմոնյանը թույլատրել, որ ուսանողներին նման ըմպելիքներ բաժանեն, փորձեցինք ճշտել համալսարանի հասարակայնության հետ կապերի և լրատվության բաժնի ղեկավար Կարեն Գրիգորյանից»:
Վերջինս վստահեցրել է, թե նման բան համալսարանի ներսում չի բաժանվել.
«Իրենց հարցրեք, թե ինչի են բերել բաժանել, համալսարանի տարածքում հնարավոր է` բաժանեն, ներսում անհնար է, որովհետև դրա համար թույլտվություն է պետք, լսարաններում բացառում եմ, իսկ տարածքում 100 տոկոսով չեմ կարող բացառել, շատ բան կարող են խոսել, բայց հո դա այդպես չէ»:
«Մինչդեռ ուսանողներից շատերը մեզ տեղեկացրին, որ հենց համալսարանի շենքում են բաժանվել էներգետիկ ըմպելիքները` դասամիջոցների ժամանակ»,- հավելում է թերթը: