«Հրապարակ»-ը գրում է, որ մարտի 10-ին ներկայանալով ՀՀԿ համագումարին` արդարադատության նախկին նախարար, ՍԴ նախագահի խորհրդական Գևորգ Դանիելյանը հայտնաբերել է, որ իր անունը չի լինելու ՀՀԿ խորհրդի նոր կազմում:
«Ինձ համար ամենևին էլ անսպասելի չէր սա: Դեռ մեկ տարի առաջ ինքս եմ խնդրել հանել ինձ խորհրդի կազմից: Մասնավորապես, խնդրանքս փոխանցել եմ կազմհանձնաժողովի նախագահ Ռուբեն Թադևոսյանին: Այս փուլում նպատակահարմար եմ գտնում բացառապես մանկավարժական և մասնագիտական աշխատանքով զբաղվել, որն ինձ համար միշտ հոգեհարազատ է եղել:
Թերթի հարցին, թե գուցե կուսակիցներին գրավել է իր պաշտոնը, և նրանք են որոշել հանել Դանիելյանին այդ պաշտոնից, վերջինս պատասխանել է. «Չեմ կարծում, թե հիմքեր ունեք հարցը պաշտոնանկության հետ մեխանիկորեն կապելու համար: Վերջին հաշվով, այլոց պարագայում գործել է հակառակ տարբերակը»:
