Anonymous խմբի ցանցահենները երկուշաբթի օրը՝ երկրորդ անգամ այս շաբաթվա ընթացքում, շարքից հանել են Վատիկանի պաշտոնական կայքը: Առաջին անգամ նրանք կայքը կոտրել էին անցած չորեքշաբթի օրը:
Հռոմեական կաթոլիկ եկեղեցու պաշտոնական կայքը կեսօրից հետո մի քանի ժամ չի գործել:
Պաշտոնական Վատիկանը որևէ մեկնաբանություն չի արել: Իսկ ցանցահենների խումբը հայտարարել է, որ այս գործողություններն ուղղված են պաշտոնական եկեղեցու վարած քաղաքականության դեմ. ցանցահենները քննադատում են կաթոլիկ եկեղեցու ընդունած դրույթները` դրանք համարելով անհեթեթություն և հնացած:
Anonymous խումբը հայտնի է Sony–ի, Nitendo–ի և այլ ընկերությունների կայքերի վրա իր հարձակումներով: Անցած տարի նրանք կոտրել են գրեթե 90 հազար հասցեներ, որոնք պատկանել են Booz Allen Hamilton ընկերությանը, որը իրականացնում էր Պենտագոնի խորհրդատվական աշխատանքները:
