Իսրայելը կիրակի գիշերը նոր օդային հարձակումներ է իրականացրել Գազայի հատվածում՝ ի պատասխան պաղեստինցի զինյալների՝ Իսրայելի դեմ հրթիռային գրոհների:
Ըստ պաղեստինյան լրատվամիջոցների՝ Գազա և Խան Յունիս քաղաքներում օդային գրոհների հետևանքով 2 մարդ է զոհվել: Վերջին երեք օրում Իսրայելի օդային գրոհների հետևանքով Գազայում զոհված պաղեստինցիների ընդհանուր թիվը անցել է 20-ից, որոնց ճնշող մեծամասնությունը տարբեր ծայրահեղական խմբավորումների զինյալներ են:
Վերջին երեք օրվա ընթացքում Գազայի տարածքից դեպի Իսրայել ավելի քան 120 հրթիռ է արձակվել, այդ թվում՝ դրանցից 10-ը անցած գիշեր:
Գրոհների պատասխանատվությունն իրենց վրա են վերցրել «Իսլամական ջիհադ» և «Դիմադրության ժողովրդական կոմիտեներ» խմբավորումները, բայց ոչ ՀԱՄԱՍ-ը, որի վերահսկողության ներքո է Գազայի հատվածի կառավարությունը,- հաղորդում է
Радио Свобода-ն:
