Հորդանանի կառավարության խոսնակ Ռաքան Մաջալին կիրակի օրը դատապարտել է Գազայի դեմ իրականացվող Իսրայելի օդային հարձակումները` դրանք անվանելով «բարբարոսական ագրեսիա»:
AFP-ի փոխանցմամբ` Մաջալին ասել է, որ Իսրայելը շարունակում է օգտագործել անվտանգության համար իր ունեցած «վախերը»` պաղեստինցիներին Գազայում սպանելու համար` ավելացնելով, որ Իսրայելը այլևս ոչ մեկին չի հիմարացնի:
«Հորդանանը չի կարող ընդունել անզեն պաղեստինցիների դեմ իրականացվող նման բարբարոսական ագրեսիան»,- ասել է նա:
Մաջալին իր հայտարարության մեջ նշել է, որ Իսրայելի կառավարությունը պետք է անհապաղ դադարեցնի իր հարձակումները:
