Ֆրանսիայում բնակվող մոտ 80 ռուսներ մարտի 10-ին բողոքի ցույց են կազմակերպել՝ հանուն «ՌԴ-ում ազատ ընտրությունների»: Ցույցը տեղի է ունեցել Շատլե հրապարակի մոտակայքում: Նման բողոքի ակցիա տեղի էր ունեցել նաև ընտրություններից մեկ շաբաթ առաջ՝ ՌԴ դեսպանատան մոտ: Այդ ժամանակ ցույցին երկու անգամ քիչ մարդ էր մասնակցել: Այս անգամ բողոքի ակցիայի մասնակիցները հավաքվել են Անմեղների շատրվանի մոտ:
Հրավիրելով մասնակցել բողոքի ակցիային` ցույցի կազմակերպիչները կոչ են արել ֆրանսիական և եվրոպական իշխանություններին չընդունել Ռուսաստանի ընտրությունների արդյունքները` համարելով դրանք կեղծ: Ցույցի ժամանակ ցուցարարներն անցորդներին թերթիկներ են բաժանել՝ կոչ անելով ազատ արձակել Pussy Riot խմբի անդամներին:
Նման բողոքի ակցիա է կազմակերպվել նաև Լոնդոնում` բրիտանական խորհրդարանի շենքի մոտ: Թվով մոտ 30 ցուցարարներ պահել են պաստառներ, որոնց վրա անգլերենով գրված է եղել «Կանգնեցրե՛ք Պուտինին», «Ազա՛տ արձակեք քաղբանտարկյալներին»:
Բողոքի ակցիայի մասնակիցները Մեծ Բրիտանիայի վարչապետ Դևիդ Քեմերոնին են հանձնել նամակ, որում եղել են նաև քաղբանտարկյալների անունները:
