Նիգերիայում փրկարարական գործողությունների հետևանքով մահացել են բրիտանացի և իտալացի գերիները: Այս մասին հաղորդում է Agence France-Presse գործակալությունը` հիմնվելով Իտալիայի կառավարության հայտարարության վրա:
Գերիներին սպանել են առևանգողները՝ նիգերիացի և բրիտանացի զինվորականների կողմից իրականացվող ռազմական գործողությունների թեժ պահին։ Դրանք սկսվել էին, քանի որ հայտնի էր դարձել, որ գերիների կյանքին վտանգ է սպառնում։
Դեռևս հայտնի չէ, թե ովքեր են կանգնած մարդկանց առևանգման և սպանության հետևում: Չի բացառվում, որ եվրոպացիների առևանգումը կազմակերպել է «Նիգերի դելտայի ազատագրման շարժումը», որը հայրենասիրական պայքար է մղում` հարձակվելով օտարերկրյա կազմակերպությունների նավթահորերի վրա և առևանգելով սպիտակամորթ մասնագետների:
