Կուբան սկսում է մարդկանց վրա ՁԻԱՀ-ի և ՄԻԱՎ վարակի դեմ նոր պատվաստանյութի կլինիկական փորձարկումը: Ինչպես հաղորդում է Sky News-ը, այս մասին հայտարարել է Կուբայի գենային ինժեներիայի ոլորտում հետազոտող բժիշկ Վերենա Մուիզոն:
«Մոտ ապագայում կսկսվեն փորձարկումները ՄԻԱՎ վարակի դեմ: Հուսով եմ` կսկսենք արդեն այս տարվա երկրորդ կամ երրորդ եռամսյակում»,- ասել է Մուիզոն:
Պատվաստանյութը, որն ստացել է TERAVAC-VIH-1 անվանումը, կփորձարկվի 30 կամավորների վրա:
«Դրանք այն մարդիկ են, որոնք չեն հասել ՁԻԱՀ-ի կրիտիկական աստիճանին: Նրանք գտնվում են հիվանդության սերոպոզիտիվ փուլում»,- տեղեկացրել է բժիշկը:
Ավելի վաղ հաղորդվում էր, որ առնետների վրա պատվաստանյութի փորձարկումը հաջող է անցել: