ԱՄՆ նախագահական ընտրությունների ժամանակ Հանրապետական կուսակցության ամենամեծ հավակնություններն ունեցող Միթ Ռոմնին կարծում է, որ մարտի 4-ին Ռուսաստանում կայացած նախագահական ընտրությունները ոչ ժողովրդավարական էին, իսկ ԱՄՆ-ի վարչակազմն անհրաժեշտ գնահատականներ չի տվել դրանց:
«Աշխարհն ականատես եղավ ժողովրդավարական գործընթացի նկատմամբ իրականացված ծաղրի: «Ռուսաստանի ժողովրդին նախագահական ընտրությունների ավարտի» կապակցությամբ շնորհավորական ուղերձներ հղելու փոխարեն Օբամայի վարչակազմը պետք է քննադատեր այն ահավոր խախտումներն ու ԶԼՄ-ների սահմանափակումները, որոնցով ուղեկցվել են այս ընտրությունները»,- ասել է Ռոմնին նախընտրական շտաբի կողմից տարածված հայտարարության մեջ:
«Հաշվի առնելով այն, որ Ռուսաստանում ժողովրդավարությունը մարում է, ՌԴ-ի նկատմամբ Օբամայի վարած քաղաքականությունը կարելի է բնութագրել որպես «հետընթաց» (set back), այլ ոչ թե «վերաբեռնում» (reset)»,- նշել է Ռոմնին: