Պեկինը «հանցագործ» է անվանել երիտասարդ ու տարեց տիբեթցիներին, ովքեր, որպես Չինաստանի կառավարության դեմ բողոքի նշան, ինքնհրկիզման եղանակով ինքնասպանություն են գործել:
The Guardian-ը գրում է, որ, չնայած անվտանգության միջոցառումներին, Չինաստանի կառավարությունը չի կարողացել կանխել տիբեթցիների ինքնահրկիզումների դեպքերը, որոնք ուշադրության են արժանացել ողջ աշխարհի կողմից: Միայն Սիչուան շրջանում ինքնահրկիզման էին դիմել ավելի քան 20 վանականներ, միանձնուհիներ և հասարակ մարդիկ: Այս դեպքերից 3-ը տեղի է ունեցել վերջին հինգ օրերի ընթացքում:
Չինաստանի բարձրաստիճան պաշտոնյան ասել է, որ այդ տիբեթցիների մեծ մասին նման բան անել ստիպել են հոգևորականները, ովքեր հիմնականում կասկածելի կամ հանցավոր անցյալ ունեն: «Նրանք շատ վատ համբավ ունեն հասարակության մեջ»,– եզրափակել է պաշտոնյան:
