Չնայած Իսրայելի վարչապետ Բենիամին Նեթանյահուի և նրա կառավարության անդամների հակաիրանական քարոզչությանը, իսրայելցիները դեմ են Իրանի դեմ ռազմական հարձակում իրականացնելուն:
Globe and the Mail-ը հաղորդում է, որ Թել Ավիվի համալսարանի պրոֆեսորներ Եփրահիմ Յարն ու Թամար Հերմանն այսօր Yedioth Ahronoth թերթում բացահայտել են «ինդեքսի» իրենց հետազոտության արդյունքները, որոնք ցույց են տալիս, որ իսրայելցիների 62 տոկոսը դեմ է առանց ԱՄՆ-ի համագործակցության Իրանի դեմ ռազմական հարձակում իրականացնելուն:
Հետազոտությանը մասնակցած իսրայելցիների միայն 12 տոկոսն է պատասխանել, որ ամբողջովին կողմ է ռազմական հարձակմանը, իսկ 17 տոկոսը պատասխանել է, որ վերապահումներով, բայց կողմ է հարձակմանը:
Քաղաքագետները բացատրում են, որ չնայած իսրայելցիները չեն կարծում, որ Իրանն իրենց բարեկամն է, բայց գիտեն, որ պատերազմը կարող է անկանխատեսելի հետևանքներ ունենալ, հատկապես որ Իրանն ունի շատ լուրջ ռազմական տեխնիկա ու հզոր հրթիռներ:
