«Առաջին լրատվականը» երեկ տեղեկացրել էր, որ Թուրքիայի ղեկավարները մեծ շրջագայություն են սկսել Պարսից ծոցի տարածաշրջանում: Մասնասվորապես, Թուրքիայի վարչապետը գտնվում էր Քուվեյթում, իսկ երկրի նախագահ Աբդուլահ Գյուլը` Եմենում:
Երեկ Թուրքիայի վարչապետը ժամանել է Քաթար: Վարչապետն արդեն հանդիպում է ունեցել երկրի վարչապետ և արտաքին գործերի նախարար Շեյխ Համադ բեն Ջասսիմի հետ: Հանդիպմանը ներկա են գտնվել Քաթարի կառավարության այլ նախարարներ և պատվիրակությունների անդամներ:
Այս այցելութոյւնները հետաքրքիր է այնքանով, որ ռեալիզացվում է կառավարության որդեգրած քաղաքականությունը, որով էլ ավելի պետք է սերտացնել հարաբերությունները մերձավորարևելյան երկրների հետ և փորձել նոր շուկաներ գտնել այնտեղ, ինչը թույլ կտա թուրքական կառավարությանը կարճժամանակում զգալի աճ արձանագրել երկրի արտաքին առևտրի հաշվեկշռում: