Երեխաների համար նախատեսված հատուկ շապիկները թեթևացնում են ծնողների գործը և օգնում որոշել երեխայի լացի կամ անհանգստության պատճառը: Այս մասին գրում է daily mail-ը:
Նոր շապիկը գործվածքի մեջ ունի ջերմաչափ, սրտի աշխատանքը չափող մոնիտոր և շարժման սենսոր:
Այն ցույց է տալիս երեխայի տրամադրությունը և ծնողներին հնարավորություն տալիս տեղեկանալ՝ երեխան ավելի շատ շարժման, թե քնի կարիք ունի:
Սենսորները կառուցված են գործվածքի մեջ և անցնում են փոքր ընդունիչի միջով, որը 1 րոպեն մեկ փոխանցում է ինֆորմացիան: Այն նաև զգում է խոնավությունը և զգուշացնում ծնողներին փոխել երեխայի շորերը:
Այժմ հարմարանքը փորձարկվում է հիվանդանոցներում, և փնտրվում են կամավորներ, ովքեր այն կփորձարկեն տանը:
Վերջնական արտադրանքը կարժենա մոտ 100 դոլար, գումարած սպասարկման արժեքը:
