Իսրայելի վարչապետ Բենիամին Նեթանյահուի և ԱՄՆ-ի նախագահ Բարաք Օբամայի միջև ծագած տարաձայնությունը, թե ինչպես պայքարել Իրանի միջուկային սպառնալիքի դեմ, չի խանգարի երկու երկրների անվտանգության շուրջ համագործակցությանը:
Բարձր գնահատվող ամերիկյան աղբյուրը տեղեկացրել է ИТВ 2-րդ հեռուստաալիքին, որ Օբաման հակված է դրական պատասխան տալ Իսրայելի խնդրանքին. այն է` Իսրայելի բանակին տրամադրել ինքնաթիռներ և հատուկ ռումբեր, որոնք ընդունակ են թափանցել բունկերներ:
Իսրայելցիներն արդեն ունեն նման ռումբեր, օրինակ՝ GBU-28, սակայն նրանց հնարավորությունները բավական սահմանափակ են: Կա մտավախություն, որ այն չի կարող կոտրել Իրանի միջուկային օբյեկտների պաշտպանությունը: Կա տեղեկատվություն, որ Օբաման մտադիր է Իսրայելին տալ ռումբերի ավելի հզոր տեսակներ, որոնցից է GBU 57-ը, որոնք մինչ այժմ եղել են միայն ԱՄՆ-ի բանակում: