Ինչպես հաղորդում է BBC-ն, Եգիպտոսում Հորդանանին և Իսրայելին մատակարարվող գազի խողովակաշարը հերթական անգամ պայթեցվել է: Ահաբեկչությունն իրականացվել է Ալ-Արիշ քաղաքի մոտ` Իսրայելի սահմանից 50կմ հեռավորության վրա:
Ականատեսները նշում են, որ երկու պայթյուններից անմիջապես առաջ այդ տեղանքում նկատել են 6 անծանոթների, որոնք այդտեղ են եկել առանց պետհամարանիշների ավտոմեքենայով:
Նշվում է, որ այդ նույն վայրում այս տարվա փետրվարի 5-ին նույնպես տեղի էր ունեցել պայթյուն, որի հետևանքների վերացման աշխատանքներն ավարտվել էին մի քանի օր առաջ:
Եգիպտոսի իշխանություններն այս պայթյունների համար մեղադրում են տեղի բեդվինական ցեղախմբերին և ծայրահեղական կազմակերպություններին, որոնք դժգոհ են Իսրայելին գազ մատակարարելու փաստից:
Հայտնի է, որ Եգիպտոսը մատակարարում է Իսրայելի գազի պահանջների մոտ 40%-ը, իսկ Հորդանանի` մոտ 80%-ը:
