Հնդկական Mahavir Mandir Trust հիմնադրամը հայտարարել է Հնդկաստանի հյուսիսարևելյան Բիհար նահանգում աշխարհում խոշորագույն հինդուսական տաճարի կառուցման մասին: Ինչպես հաղորդում է The Times of India-ն, ծրագրվում է, որ նոր տաճարը պետք է հիշեցնի Կամբոջայի հայտնի Անգկոր-Վատ տաճարը:
Ինչպես ենթադրվում է, հինգհարկանի շենքի բարձրություն (ավելի քան 70 մետր) ունեցող շենքի կառուցման համար կծախսվի շուրջ 1 մլրդ ռուպի:
Տաճարային համալիրը կտարածվի մի քանի հեկտարի վրա` հողատարածքն արդեն գնված է: Տաճարը կկոչվի Վիրատ Անգկոր Վատ Ռամ Մանդիր: Այնտեղ նախատեսված է տեղադրել արձաններ, որոնք կպատկերեն հնդկական առասպելների հերոսներին` Կրիշնա, Շիվա, Պարվատի, Վիշնու և այլք:
Նախագծի հեղինակները խոստացել են մտահղացումն իրականացնել 5 տարում, ևս 5 տարի է անհրաժեշտ ներքին հարդարման աշխատանքների համար:
Մոտ ապագայում նախատեսված է տաճարի հիմնարկեքի արարողությունը:
