Այսօր՝ մարտի 5-ին, տեղի է ունեցել 52 շաբաթ մարման ժամկետով պետական (գանձապետական) կարճաժամկետ AMGT52043138 թողարկման պարտատոմսերի տեղաբաշխման աճուրդ:
Տեղաբաշխման ենթակա պարտատոմսերի ծավալը 1 մլրդ 500 մլն դրամ է, իսկ պահանջարկը` 2 մլրդ 476 մլն դրամ, որից մրցակցային` 2 մլրդ 326 մլն դրամ, իսկ ոչ մրցակցայինը` 150 մլն դրամ: Պարտատոմսերի տեղաբաշխման ծավալը կազմել է 1 մլրդ 500 մլն դրամ: Տեղաբաշխումից ստացված հասույթը կազմել է 1 մլրդ 373 մլն 299 հզ. 194 դրամ: Տեղաբաշխման միջին կշռված եկամտաբերությունը 9.1246 տոկոս է, տեղաբաշխման սահմանային եկամտաբերությունը` 9.6645 տոկոս:
Ֆինանսների նախարարությունից «Առաջին լրատվական»-ին հայտնեցին, որ աճուրդին մասնակցել են 8 դիլեր և գանձապետական պահառուն:
