Իրանում ուրբաթ օրը կայացած ընտրությունների արդյունքում իրանահայ համայնքից երկու պատգամավոր է ընտրվել խորհրդարան:
Թեհրանում բնակվող լրագրող, բլոգեր Վարդան Դավթյանը «Ազատություն» ռադիոկայանին փոխանել է, որ պատգամավորներից մեկը ներկայացնում է Թեհրանի և հյուսիային իրանահայությանը, մյուսը` Սպահանի, Նոր Ջուղայի և հարավային իրանահայությանը: Ընտրված հայ պատգամավորներն են Կարմեն Խանլարյանը և Ռոբերտ Բեգլարյանը:
Իրանի կրոնական փոքրամասնությունները ունեն հատուկ ընտրատեղամասեր, որտեղ քվեարկում են իրենց թեկնածուների օգտին:
Հիշեցնենք, իսլամական հանրապետության օրենսդիր մարմնի 290 տեղերի մոտ երեք քառորդը նվաճել են Իրանի գերագույն հոգևոր առաջնորդ այաթոլա Ալի Խամենեիի կողմնակիցները:
