ՀՀ ԱՍՀՆ Սոցիալական ապահովության պետական ծառայությունը տնտեսավարողներին տեղեկացնում է, որ «Ընթացիկ» տեսակի (տարեկան) անհատական հաշվետվություններն այս տարի անհրաժեշտ է ներկայացնել պետական գրանցման վայրին համապատասխան՝ ՀՀ Սոցիալական ապահովության պետական ծառայության տարածքային բաժիններ` մինչև ապրիլի 2-ը (ներառյալ):
Սահմանված ժամկետում հաշվետվությունները չներկայացնելու կամ սահմանված ժամկետի կամ կարգի խախտմամբ ներկայացնելու դեպքում տնտեսավարող սուբյեկտների պաշտոնատար անձինք կենթարկվեն վարչական պատասխանատվության` «Վարչական իրավախախտումների վերաբերյալ» ՀՀ օրենսգրքի 169.18 հոդվածով սահմանված սանկցիայի շրջանակներում: Վարչական տուգանքի չափը կազմում է սահմանված նվազագույն աշխատավարձի քսանապատիկը (20 հազ. դրամ), իսկ տուգանքի նշանակման օրվանից հետո մեկ տարվա ընթացքում նույն խախտումը կրկնելու դեպքում` սահմանված նվազագույն աշխատավարձի հիսնապատիկը (50 հազ. դրամ):
«Առաջին լրատվական»-ին ծառայությունից հայտնեցին, որ գործունեությունը ժամանակավորապես դադարեցրած տնտեսավարող սուբյեկտները ՀՀ ՍԱՊԾ տարածքային բաժիններ պետք է ներկայացնեն անհատական հաշվետվությունները և գործունեության դադարեցումը հավաստող փաստաթուղթ (ՀՀ ԿԱ Պետական եկամուտների կոմիտեի կողմից տրված տեղեկանք-ստացականի կամ ՀՀ ԿԱ ՊԵԿ ներկայացված հայտարարության օրինակներ):
Առավել մանրամասն տեղեկատվության համար գործում է
ԹԵԺ ԳԻԾ` 114 կարճ հեռախոսահամարով:
