Ինչպես փոխանցում է ռուսական РИА-Новости գործակալությունը, Apple ընկերությունը դիմել է իր բաժնետերերին` կոչ անելով գաղտնի պահել ընկերության ղեկավար Սթիվեն Ջոբսի հետնորդի անունը: Ըստ ընկերության ղեկավարության՝ նոր հետնորդների թեկնածուների անունների վաղաժամ հրապարակումը կարող է հանգեցնել նրան, որ մրցակիցները կփորձեն իրենց կողմը քաշել թեկնածուներին: Բացի այդ, ընկերությունը մտավախություն ունի, որ, իմանալով «ժառանգի» անունը, մրցակիցները կիմանան, թե որ ուղղությամբ է զարգանալու ընկերությունն ապագայում: