Իրանական Mehr News լրատվական գործակալության փոխանցմամբ՝ հայտնի են դարձել Իրանի 9-րդ գումարման խորհրդարանի ընտրությունների նախնական արդյունքները:
Ըստ դրանց՝ ընտրություններին մասնակցել է ընտրելու իրավունք ունեցողների 70 տոկոսը: Թեհրանում ընտրությունների մասնակցության ցուցանիշը կազմել է 45 տոկոս:
Արդեն հայտնի են մոտ 60 նորընտիր պատգամավորների անունները (խորհրդարանի կազմի մոտ 20 տոկոսը): Նրանցից ոմանք վերընտրվել են: Նախնական տվյալներով՝ հաղթել են իշխող պահպանողականները: Ընտրությունների վերջնական արդյունքները կհրապարակվեն ընտրությունների ավարտից 48-72 ժամ հետո:
