«Մոսկվան մտադիր է դիմել ՄԱԿ-ի հակաահաբեկչական կառույցներին` պահանջելով պարզաբանել նրանց մտադրությունները, ովքեր աջակցում են «Ալ-Կաիդա»–ի հետ կապված սիրիական ընդդիմության ռազմական միավորներին՝ զինելով նրանց»,– ուրբաթ օրը հայտարարել է Ռուսաստանի ԱԳՆ–ը։ Այս մասին գրում է BBC-ն:
«Ռուսական կողմը մտադիր է դիմել ՄԱԿ-ի հակաահաբեկչական կառույցներին` պահանջելով պարզաբանել պաշտոնական դեմքերի մտադրությունները, ովքեր կողմ են սիրիական ընդդիմության ռազմական միավորներին զինելուն, և ՄԱԿ-ի ԱԽ–ի բանաձևի հիմքի վրա նրանց տալ համապատասխան իրավական գնահատական, որը վերաբերում է «ԱԼ-Կաիդա»–ի և նրա հետ կապված խմբավորումների գործունեությանն աջակցելու արգելմանը»,- ասվում է Ռուսաստանի ԱԳՆ պաշտոնական ներկայացուցիչ Ալեքսանդր Լուկաշևիչի ուրբաթ օրը տարածված ամփոփագրում:
Ռուսաստանի արտաքին քաղաքական ամփոփագիրը հաստատում է, որ «վերջին շրջանում ավելի շատ են հնչում սիրիական ընդդիմությանը զենք մատակարարելու մասին կոչեր։ Նման կոչեր են հնչել նաև վերջերս Թունիսում՝ «Սիրիայի բարեկամներ» խմբի կողմից: