Գործարար Խաչիկ Մանուկյանի նախընտրական քարոզարշավն արդեն ուրվագծված է: Այս մասին «Առաջին լրատվական»-ի հետ զրույցում տեղեկացրեց ինքը գործարարը`խոսելով նախընտրական քարոզարշավի շուրջ: Նա նշեց, որ ամեն բան արդեն պատրաստ է, սակայն քարոզարշավը սկսվելու է պաշտոնական նախընտրական քարոզարշավի ժամանակ:
«Մենք արդեն պատրաստ ենք քարոզարշավին, բայց շատ մանրամասներ չէի ցանկանա հայտնել: Ամեն ինչին մարդիկ կծանոթանան հենց քարոզարշավի ընթացքում, քանի որ չէի ցանկանա նախապես դրա մասին խոսել»,- նշեց գործարարը:
Հիշեցնենք, որ Խաչիկ Մանուկյանը առաջիկա խորհրդարանական ընտրություններին մեծամասնական ընտրակարգով է առաջադրվելու թիվ 15 ընտրատարածքում:
