Մեծ Բրիտանիայում սատկել է ոչխարը, որը ոչ պաշտոնապես համարվում էր աշխարհի ամենածեր ոչխարը:
Տվիգգի անունով կենդանուն (ոչխարը Տվիգի է կոչվել անգլիացի մոդել Տվիգիի պատվին) մեկ ամիս էր մնում մինչ նրա 26-ամյա հոբելյանը,- գրում է The Daily Mail-ը:
Սևադունչ ոչխարը սատկել է` ընկելով ավելի քան 35 մետրանոց քարափից: Խեղճ Տվիգիին քարերի վրա գտել է նրա տերը` Ջոն Մակավեյրը: Նա խոստովանել է, որ շատ է տխրել իր կենդանու սատկելու կապակցությամբ, և ասել է, թե այնքան է սիրել իր ոչխարին, որ նրա նկարը տեղ է գտել իր համակարգչային սեղանին:
Տվիգգից առաջ աշխարհի ամենածեր ոչխարի տիտղոսը պատկանում էր Լակիին Ավստրալիայից: Կենդանին ապրել էր 23 տարի ու մահացել 2009-ին: Բացարձակ ռեկորդը պատկանում է Ուելսի ոչխարներից մեկին, որը ապրել է 28 տարի և 51 շաբաթ: Ոչխարը սատկել էր 1989 թ.:
