Ինչպես հաղորդում է «Անթալիան այսօր» կայքը, 2010 թ. Անթալիան դարձել է ամենասիրելի հանգստի վայրը գերմանացիների և ռուսների համար: Գերմանացի զբոսաշրջիկների թիվն անցած տարի աճել է 10,4%-ով, իսկ ռուսներինը` 16,6%:
Բրիտանացիների թիվն աճել է 37,9%-ով: 2010 թ. Անթալիայում ընդհանուր առմամբ հանգստացել է 9,76 մլն զբոսաշրջիկ: Նրանց մեծ մասն այստեղ է ժամանել Ռուսաստանից, Գերմանիայից, Մեծ Բրիտանիայից և Ուկրաինայից: Նախորդ տարվա համեմատ ավելացել է նաև այն զբոսաշրջիկների թիվը, որոնք այստեղ են ժամանել Շվեդիայից, Ավստրիայից, Լեհաստանից, Նորվեգիայից, Դանիայից, Ղազախստանից, Շվեյցարիայից, Չեխիայից, Բելառուսից, Ռումինիայից և Իրանից:
Ինչպես փոխանցում է կայքը, կրճատվել է այն զբոսաշրջիկների թիվը, որոնք Անթալիա են ժամանում Հայաստանից, Իսրայելից, Լիտվայից, Իսպանիայից և Իտալիայից: