Մեծ Բրիտանիան, անվտանգության նկատառումներից ելնելով, Սիրիայից հետ է կանչում իր ամբողջ դիվանագիտական կորպուսը: Ինչպես հաղորդում է Reuters գործակալությունը, վկայակոչելով դիվանագիտական առաքելության իր աղբյուրը, Դամասկոսում Բրիտանիայի դեսպանատունը ժամանակավորապես դադարեցրել է աշխատանքները: Աղբյուրը հայտնել է, որ նման որոշում է կայացրել Բրիտանիայի արտգործնախարար Ուիլյամ Հեյգը, որն արդեն այդ մասին հայտարարել է խորհրդարանում:
Հիշեցնենք, փետրվարի 6-ին Բրիտանիայի դեսպանը Դամասկոսից հետ էր կանչվել խորհրդակցութան նպատակով:
Այսօր ավելի վաղ Դամասկոսի իր դեսպանատունը փակել է Շվեյցարիան: Մինչ այդ նման քայլի էին դիմել ԱՄՆ-ը և Կատարը: Ֆրանսիան, Գերմանիան, Իտալիան և Եգիպտոսը բավարարվել են իրենց դեսպաններին հետ կանչելով:
Սիրիայում ընդդիմության և իշխանությունների միջև բախումները շարունակվում են 2011թ. մարտից: Այդ ընթացքում ՄԱԿ-ի վերջին տվյալներով՝ զոհվել է շուրջ 7500 մարդ:
