Թուրքական Today’s Zaman թերթի փոխանցմամբ`պլանավորված է, որ Թուրքիայի, Իրանի և Ադրբեջանի արտգործնախարարների եռակողմ հանդիպումը Նախիջևանում պետք է տեղի ունենա մարտի 7-ին:
Ակնկալվում է, որ այդ հանդիպման ժամանակ Ահմեդ Դավութօղլուն, Ալի Աքբար Սալեհին ու Էլմար Մամեդյարովը քննարկելու են երեք երկերների հետաքրքրության կենտրոնում գտնվող հարցեր. տարածաշրջանային հակամարտությունների կարգավորում և դրա համար անհրաժեշտ բարենպաստ պայմանների ստեղծում, ահաբեկչության, կազմակերպված հանցավորության, թմրաբիզնեսի, թրաֆիքինգի ու զենքի վաճառքի դեմ պայքար, տնտեսական ոլորտում համագործակցության խորացում և այլն:
Այնուամենայնիվ, այդ հանդիպման առաջին պլանում լինելու է Հարավային Կովկասում առկա իրավիճակը:
Հիշեցնենք, որ այդ հանդիպումը Նախիջևանում պետք է տեղի ունենար դեռ հունվարի 17-ին, սակայն այդ ժամանակ և դրանից հետո շարունակ հետաձգվեց:
