Փոփ աստղ Լեդի Գագան մի քանի ընկերների հետ չորեքշաբթի հայտարարել է երիտասարդական նոր հիմնադրամի բացման մասին, որը ստացել է Born this way («Այսպես ծնված») անունը՝ սեռական փոքրամասնություններին նվիրված նրա ալբոմի անունով:
Associated Press-ը տեղեկացնում է, որ հիմնադրամը նախատեսում է աջակցել ոչ ավանդական սեռական կողմնորոշում ունեցողներին, ինքնահարգանք դաստիարակել և երիտասարդության շրջանում ստեղծել հանդուրժողականության մթնոլորտ «այդպես ծնվածների» նկատմամբ: Գագան խոսել է ավելի քան 1100 ուսանողների հետ` նրանց կոչ անելով մարտահրավեր նետել դաժանությանն ու ժլատությանը:
Ըստ երգչուհու` եթե հեղափոխական պոտենցիալ ունես, այն պետք է օգտագործես աշխարհը ավելի լավը դարձնելու համար:
Բացման արարողությունը տեղի է ունեցել Հարվարդի համալսարանում և հեռարձակվել է հիմնադրամի վեբ կայքով: Լեդի Գագան այն կազմակերպել է դատական նիստի ձևով, որում ինքը հանդես է եկել որպս մեղադրյալ և պատասխանել կողմերի հարցերին:
Գործակալությունը նշում է, որ բացման արարողությանը Լեդի Գագայի հետ էին նաև Օփրա Ուինֆրին և առողջապահական ծառայությունների քարտուղար Քեթլին Սիբելիուսը: