ԱՄՆ պետքարտուղար Հիլարի Քլինթոնը Սուդանի նախագահ Օմար Բաշիրին մեղադրել է այն բանում, որ նախագահը վերջերս անկախություն ձեռք բերած Հարավային Սուդանի «գոյությունը նսեմացնում է»: Նա նաև ավելացրել է, որ Վաշինգտոնը պատրաստ է մեծացնել իր ճնշումը Խարտումի կառավարության վրա, որպեսզի վերջինս փոխի իր քաղաքականությունը:
Ելույթ ունենալով Կոնգրեսում՝ Հիլարի Քլինթոնը հայտարարել է, որ «Բաշիրը մտադիր է խախտել ձեռք բերված պայմանավորվածությունները», որոնց շնորհիվ Հարավային Սուդանը ձեռք է բերել իր անկախությունը: Այս մասին հաղորդում է BBC–ն:
