Ռուսական Интерфакс գործակալությանը տված հարցազրույցի ժամանակ Ռուսաստանի պաշտպանության փոխնախարար Անատոլի Անտոնովն անդրադարձել է Ադրբեջանի տարածքում գտնվող և Ռուսաստանի կողմից վարձակալված Գաբալայի ռադիոտեղորոշիչ կայանի (ՌՏԿ) համաձայնագրի ժամկետի երկարաձգման շուրջ տարվող բանակցություններին.
«Գաբալայի ՌՏԿ-ի վերաբերյալ ռուս-ադրբեջանական բանակցությունները շարունակվում են կառուցողական մթնոլորտում: Բանակցությունները շարունակվում են: Այս տարվա բանակցությունների առաջին փուլը հաջող է ընթացել: Մոտ ապագայում, երբ մեր պատվիրակությունը մեկնի Ադրբեջան, մենք մեր ադրբեջանցի գործընկերների հետ կհստակեցնենք մի շարք հարցեր»:
Հիշեցնենք, որ ներկայումս նշվում է, թե Ադրբեջանը Ռուսաստանից պահանջել է Գաբալայի ՌՏԿ-ի տարեկան վարձավճարը 7 միլիոն դոլարից հասցնել 300 միլիոն դոլարի: Այսինքն՝ այն պետք է ավելանա շուրջ 40 անգամ: Ռուսաստանն էլ սպառնացել է հրաժարվել այդ կայանից, սակայն ՆԱՏՕ-ն պատրաստ է փոխարինել նրան:
