Մերիլին Մոնրոն կլինի Կաննի 65-րդ միջազգային կինոփառատոնի խորհրդանիշը: Այս մասին հաղորդում է միջոցառման պաշտոնական կայքը:
2012 թ. օգոստոսին կլրանա Մոնրոյի մահվան 50-ամյակը: Դերասանուհին մահացել է Լոս Անջելեսում 1962 թ. օգոստոսի 5-ին: Նա 36 տարեկան էր:
Իր մահից 50 տարի անց Մերլինը շարունակում է մնալ համաշխարհային կինոյի
առանցքային դեմքերից մեկը: Նրա նրբագեղությունն ու հմայքը մինչ օրս շարունակում են գրավել հանդիսատեսին,- գրում են փառատոնի ներկայացուցիչները:
Կայքը նաև հրապարակել է կինոփառատոնին նվիրված պաստառը, որտեղ Մոնրոն ծննդյան տորթի մոմն է փչում:
Կաննի կինոփառատոնը կանցկացվի 2012 թ. մայիսի 16-ից 27-ը,- տեղեկացնում է lenta.ru:
