Սիրիայում Սուրբ Գահի առաքելական դեսպան, արքեպիսկոպոս Մարիո Դզենարին կոչ է արել դադարեցնել բռնությունները Սիրիայում` տուժածներին օգնելու, մահացածներին թաղելու համար: Այս մասին հաղորդել է Վատիկանի ռադիոկայանը:
«Հոմս քաղաքի կաթոլիկները, որոնց հետ ես մշտական կապ եմ պահպանում, հայտնել են, որ փողոցում ապստամբների և զինվորների բազմաթիվ դիակներ են, իսկ խաղաղ բնակիչները, ովքեր թաքնվել են իրնեց տներում, մթերքի և ջրի կարիք ունեն»,- հայտարարել է Վատիկանի ներկայացուցիչը:
Դեսպանի խոսքերով՝ Վատիկանը բոլոր հնարավոր միջոցները կիրառում է` Սիրիայում հակամարտությունը խաղաղ լուծելու համար:
Արքեպիսկոպոս Ֆիցջերալդի խոսքերով՝ բանակցություններն արդյունավետ չէին, քանի որ դրանցում բավարար թվով Սիրիայի ներկայացուցիչներ չկային, ինչպես նաև Ռուսաստանը և Չինաստանը չէին մասնակցում:
«Ես կարծում եմ, որ Քոֆի Անանին ՄԱԿ-ի և ԱԵԼ–ի պատվիրակ նշանակելը շատ կարևոր էր»,- ասել է վատիկանցի դիվանագետը: Նրա խոսքերով՝ և՛ ապստամբների, և՛ իշխանությունների շրջանում կան մարդիկ, ովքեր պատրաստ են բանակցելու:
