«Nabucco-ն հաջողության շատ քիչ շանսեր ունի, ռուսական «Հարավային հոսք»-ի համեմատ»,- հայտարարել է ՌԴ վարչապետ Վլադիմիր Պուտինը: Ըստ նրա` գազատարի հիմնական խնդիրը անհրաժեշտ ծավալով հումքի բացակայությունն է: «Ռուսաստանը խողովակաշարով վառելիք չի առաքելու, իրանական գազի հանքերը դեռ հետազոտված չեն, իսկ Ադրբեջանի վառելիքի ծավալները բավարար չեն, բացի այդ` Ադրբեջանը գազի առաքման պայմանագիր է կնքել Ռուսաստանի հետ»: Միևնույն ժամանակ Պուտինը չի բացառել, որ շատ խոշոր ներդրումների դեպքում Nabucco-ն կարող է արդյունավետ լինել: 7,9 միլիարդ դոլար արժողությամբ նախագծի շինարարությունը նախատեսվում է սկսել 2012-ին: