Ինչպես հաղորդում է RIA-Novosti գործակալությունը, ՄԱԿ-ի Անվտանգության խորհուրդը երեկ հավանություն է տվել գլխավոր քարտուղար Պան Գի Մունի առաջարկին` Գվինեյան ծոցում ծովահեններին հակազդելու համընդհանուր ռազմավարություն մշակելու մասին:
Հունվարի 19-ի իր նամակում Պան Գի Մունը կոչ էր արել տարածաշրջանային համագործակցություն սկսել այս հարցի շուրջ, ինչպես նաև կազմակերպել աֆրիկյան երկրների գագաթնաժողով, որին կմասնակցեն «սև մայրցամաքի» արևմտյան և կենտրոնական շրջանների մի շարք երկրներ, այդ թվում` Անգոլան, Գաբոնը, Կոնգոյի Հանրապետությունը, Կամերունը, Նիգերիան և այլն:
Տեղեկացնենք, որ Գվինեյան ծոցում 1990թ.-ին ծաղկում են հարձակումները թանկարժեք բեռներ տեղափոխող նավերի վրա, այդ թվում` նավթային լցանավերի: 2011թ.-ի առաջին 10 ամիսների ընթացքում արձանագրվել է նմանատիպ հարձակման 58 դեպք, մինչդեռ 2010թ.-ին այդ թիվը եղել է 45: Համաձայն ՄԱԿ-ի կողմից իրականացված հետազոտության` ամենաշատ հարձակումներն արձանագրվել են Բենինի ափերի մոտ` 21 հարձակում:
