BRICS երկրները (Բրազիլիա, Ռուսաստան, Հնդկաստան, Չինաստան, ՀԱՀ) առաջիկա երկու շաբաթներին Համաշխարհային բանկի տնօրենի պաշտոնում կարող են ներկայացնել իրենց թեկնածուին: Այս մասին հայտնել է G20 համաժողովում ռուսական պատվիրակության աղբյուրը,- հաղորդում է RIA Novosti-ն:
Որպես հնարավոր թեկնածուներ այդ պաշտոնում ԶԼՄ-ները նշում են ԱՄՆ նախագահ Բարաք Օբամայի տնտեսական գծով խորհրդականների նախկին ղեկավար Լարի Սամմերսին և Միացյալ Նահանգների գործող պետքարտուղար Հիլարի Քիլնթոնին:
«Այն թեկնածությունները, որոնք քննարկվում են ամերիկյան մամուլում՝ որպես Զելլիկի հնարավոր փոխարինող, այնքան էլ չեն ոգևորում հետագայում բանկի գործունեության համար իրենց հնարավոր նշանակությամբ, ոչ էլ համագործակցության հնարավոր հեռանկարների տեսանկունից»,- ասել է աղբյուրը:
Նա պարզաբանել է, որ BRICS-ը պատրաստ է ճկունություն դրսևորել թեկնածուի ազգության վերաբերյալ, և ամենևին էլ պարտադիր չէ, որ նա լինի BRICS-ի ներկյացուցիչ, դա կարող է լինել թեկնածու Եվրոպայից:
Համաշխարհային բանկի ներկայիս ղեկավար Ռոբերտ Զելլիկը փետրվարի 15-ին հայտարարել է, որ հունիսի 30-ին կլքի այդ պաշտոնը:
Համաշխարհային բանկի անդամ երկրները մինչև մարտի 23-ը պետք է թեկնածություն ներկայացնեն կազմակերպության ղեկավարի պաշտոնի համար։ Որոշումը կկայացվի ապրիլին:
