Նավթի ֆյուչերսային գինը հասել է 124 դոլարի, որը համարվում է ռեկորդային 2011 թ. մայիսից հետո,- հաղորդում է Associated Press-ը:
«Նավթի շուկան վերածվել է յուրօրինակ ինքնուրույն անվերջ շրջապտույտի, որում նոր մաքսիմումներն առաջացնում են նոր գնումներ, որն էլ առաջ է բերում նոր մաքսիմումներ»,- ասվում է Ritterbusch and Associates-ի զեկույցում:
Նավթի գինը բարձրացել է 96 դոլարից՝ կապված փետրվար սկզբին Իրանի միջուկային ծրագրի շուրջ լարվածության հետ: Որոշ վերլուծաբաններ կարծում են, որ ԱՄՆ-ի և Եվրոպայի կողմից տնտեսական պատժամիջոցները և Իրանի կողմից պատասխան գործողությունները կօգնեն այս տարվա ընթացքում պահպանել նավթի բարձր գինը:
«Բավական մեծ հավանականություն կա, որ 2012 թ. խնդրին լուծում չի գտնվի»,- ասվում է Barclays Capital-ի զեկույցում: