1932թ. այս օրը Փարիզում ծնվեց ծագումով հայ, ֆրանսիացի կոմպոզիտոր Միշել Լեգրանը:
Ծնողները Մեծ եղեռնի ժամանակ մազապուրծ են եղել ու հաստատվել Ֆրանսիայում: Երաժշտական առաջին փորձերն ստացել է հոր` Ռայմոնդ Լեգրանի մոտ, որը վարիետեներից մեկում նվագախմբերի ղեկավար էր, մայրը` Հայկանուշ Տեր-Միքայելյանը` դաշնակահարուհի:
Ծանոթ է եղել Էդիտ Պիաֆի ու Մորիս Շևալյեի հետ:
1952թ. ավարտել է Փարիզի կոնսերվատորիան ու մեկնել շրջագայության ԱՄՆ:
1950-ականների վերջից սկսել է գրել երաժշտություն հոլիվուդյան ֆիլմերի համար, ինչի շնորհիվ մեծ հռչակ է ձեռք բերել:
Ամենահայտնի ստեղծագործությունը «Շերբուրգյան հովանոցներ» ֆիլմի համար գրված երաժշտությունն է (1964թ.): Երեք անգամ ստացել է «Օսկար» մրցանակ, 3 անգամ առաջադրվել է «Սեզար» մրցանակի, 1 անգամ ստացել BAFTA-ի մրցանակ ու «Ոսկե գլոբուս:
Ավելի քան 200 ֆիլմի երաժշտության հեղինակ է: Որպես ջազ դաշնակահար աշխատել է Ջանգո Ռեյնհարդի, Ջոն Կոլտրեյնի ու ԲենՎեբստերի հետ: 1978թ. ձայնագրել է Le Jazz Grand ալբոմը, 1991-ին` Dingo-ն, ինչի համար արժանացել է «Գրեմմի» մրցանակի:
