«Դինգո» կենդանասերների կամավորական խումբը տարածել է հաղորդագրություն, որում ասված է.
«2012 թ. փետրվարի 24-ին, 1500-1900
Ուրբաթ օրը Մաշտոցի այգում տեղի կունենա փողոցային շներին նվիրված ցուցահանդես, որտեղ կցուցադրվեն՝
– Գեղարվեստի ազգային կենտրոնին առընթեր ստուդիա-քոլեջի սաների նկարներ,
– Լուսանկարներ՝ մեր քաղաքում տեղի ունեցած սպանդի չհաջողված փորձի կադրեր,
– «Դինգո» կամավորների աշխատանքի դրական արդյունքի լուսանկարներ-հաշվետվություն։
Կանցկացվի ստորագրահավաք թափառող կենդանիների ոչնչացման դեմ։
Իսկ ամենաուրախ մասը կապահովեն քոթոթները, որոնց համար կիրականացվի որդեգրման ակցիա, նրանց համարկփնտրենք տերեր։ Եթե դուք կամ ձեր մտերտիմները ցանկանում եք շուն որդեգրել, ապա այցելեք այգի, միգուցե մերձագուկները ձեզ հրապուրեն։
Երևանի քաղաքապետարանի պատվերով քաղաքով մեկ իրականացվում է շների դաժան սպանդ։ Կրակում են ամենուրեք,և դա այն դեպքում, երբ պետբյուջեից տարեկան 180 միլիոն դրամ է դուրս գրվում շների ստերջացման և վերադարձմանհամար։
Ձեր ներկայությունը շատ կարևոր է, քանի որ փողոցային շների հարցը քաղաքի ամենասուր խնդիրներից է։ Պետք է վերջտալ վայրագությանը, որ տիրում է մեր քաղաքում։ Անգամ Ադրբեջանում են արդեն դադարեցրել շների սպանդը, իսկմենք, լինելով առաջին քրիստոնյա երկիրը, դեռ շարունակում ենք մութ ու ցուրտ տարիների ոճով։
Ձեր ներկայությամբ դուք ցույց կտաք, որ անտարբեր չեք և չեք հանդուրժում սպանդը։ Մենք ենք այս քաղաքի տերը,ուրեմն եկեք տեր կանգնենք մեր քաղաքին ամեն տեսանկյունից…
Հույսներս նոր քաղաքապետն էր, նա էլ շուն խփողին թաղապետ սարքեց
Երևանի քաղաքապետ Տարոն Մարգարյանը Կենտրոն վարչական շրջանի ղեկավար է նշանակել պատգամավոր Ռուբեն Սադոյանի եղբայր Արա Սադոյանին, որը տարեկան 180 միլիոն դրամով շներին ոչնչացնող «Յունիգրաֆ-Իքս» ՍՊԸ-ի տերն է։
Կենդանասեր հասարակության վերջին հույսը Տարոն Մարգարյանն էր, ում վերահսկողության ներքո է տարիներ շարունակ եղել թափառող կենդանիների հիմնախնդիրը, ով հիանալի տիրապետում է իրավիճակին, և ում տրամադրության տակ են եղել ազգային և միջազգային կենդանապաշտպան կազմակեպությունների կողմից ներկայացվող բազմաթիվ նյութերը։
Փաստորեն նոր քաղաքապետը ոչ միայն չի պատրաստվում վերջապես ստանձնել թափառող կենդանիների հիմնախնդրի լուծման մարդկային ու արդյունավետ ծրագիրը, որը թույլ կտա վերջապես արմատախիլ անել խնդիրը և այլևս չմսխել պետական գումարները, այլև պաշտոն է տալիս անմարդկային ու ապարդյունավետ գործունեություն ծավալողներին և մեր գրպանից պետությանը վճարվող գումարները վատնողներին։
Ինչպե՞ս է ստացվում, որ մեր երկրում շուն հավաքողներն իշխանության են գալիս»։
