ԱՄՆ դատարանը միասեռական ամուսնությունները դաշնային մակարդակով արգելող օրենքի մի մասը հակասահմանադրական է համարել: Այդ մասին տեղեկացնում է Associated Press-ը:
Փետրվարի 22-ին Սան Ֆրանցիսկոյում դաշնային դատավորը որոշել է, որ ԱՄՆ-ի կառավարությունը չի կարող մերժել լեսբուհի կնոջը բժշկական ապահովագրություն տրամադրելը:
Բժշկական ապահովագրության աշխատողները ապահովագրական ծառայություններ են մատուցում ամուսնուն կամ կնոջը: Սակայն դաշնային մակարդակով միասեռական ամուսնությունները չեն ընդունվում, համապատասխանաբար, նրանք, ովքեր նման կապի մեջ են, չեն կարող ամուսիններ համարվել:
Սակայն դատավորը որոշել է, որ դաշնային օրենքը խտրականություն է դնում միասեռական այն զույգերի հանդեպ, որոնց հաջողվել է գրանցել իրենց ամուսնությունը:
Դատարանը քննել է Կարեն Գոլինսկու` վճռաբեկ դատարանի նահանգի փաստաբանի գործը: Նրան չէր հաջողվել հասնել այն բանին, որ իր ապահովագրությամբ սպասարկեն իր ամուսինը հանդիսացող` Էմի Կանինգհիսին (Amy Cunninghis):
Բանն այն է, որ նրանք գրանցել էին իրենց ամուսնությունը դեռ 2008 թ., երբ Կալիֆոռնիայում միասեռական ամուսնությունները թույլատրելի էին: Նահանգի Գերագույն դատարանը այդ արգելքը սահմանել է 2008-ի մայիսին, սակայն նույն թվականի նոյեմբերին Կալիֆորռնիայի բնակիչները հանրաքվե էին անցկացրել արգելքի վերաբերյալ:
Ավանդական ամուսնությունների պաշտպանության մասին դաշնային օրենքը ընդունվել է 1996 թ.:
Միասեռական ամուսնությունները լեգալ են համարվում Այովայում, Վերմոնտեում, Մասաչուսեթսում և մի քանի այլ նահանգներում:
2012 թ. հունիսից դա կգործի նաև Վաշինգտոնի նահանգում:
