Այսուհետ աշխարհի ամենահեղինակավոր «Օսկար» մրցանակաբաշխության պարգևատրման արարողության վայրը պաշտոնապես կանվանվի «Հոլիվուդ էնդ Հայլենդ» կենտրոն, ոչ թե «Կոդակ» թատրոն, ինչպես նախկինում էր,- հաղորդում է ИТАР-ТАСС:
Այս որոշումը ընդունվել է СIM Group ընկերության պնդմամբ, որին է պատկանում տվյալ առևտրահյուրանոցային համալիրը` թատրոնի հետ մեկտեղ: Չորեքշաբթի այս մասին հայտարարել է Ամերիկյան կինոարվեստի ակադեմիայի նախագահ Թոմ Շերակը:
Թատրոնը, որտեղ վերջին տարիներին տեղի է ունենում ամենամյա մրցանակաբաշխությունը, զրկվել է «Կոդակ» անունից աշխարհի խոշորագույն տեսախցիկներ և լուսաժապավեններ արտադրող համանուն ընկերության պնդմամբ:
«Օսկար» մրցանակաբաշխության հերթական պարգևատրման արարովությունը կկայանա «Հոլիվուդ էնդ Հայլենդ» համալիրի թատրոնում փետրվարի 26-ի երեկոյան: