Sotheby’s աճուրդի սրահի փոխացմամբ, Նյու Յորքում հունվարի 27-ին վաճառքի է հանվելու Տիցիանի հայտնի «Սուրբ զրույց» կտավը, որտեղ պատկերված են նորածինը գրկին Աստվածամայրը, սուրբ Ղուկասը և Եկատերինա Ալեքսանդրիացին: Կտավը Վերածննդի հանճարի եզակի գործերից մեկն է, որը մինչև այժմ գտնվում էր մասնավոր ցուցասրահներում: Այն գնահատվել է 15-20 մլն դոլար: Ըստ եվրոպական օրենքի` ազգային և միջազգային մշակույթի նման գոհարները նախ պետք է առաջարկվեն թանգարաններին և պատկերասրահներին: Այսպես` Տիցիանի «Դիաննա և Ակտեոն» գործը 71 մլն դոլարով գնել են Լոնդոնի և Էդինբուրգի պատկերասրահները: 2013թ.-ից հետո հնարավոր է եվրոպական շուկայում հայտնվի Տիցիանի նկարներից ևս մեկը` «Դիաննա և Կալլեստո» կտավը, որը գնահատվել է 70 մլն դոլար: 1560-ականներին ստեղծված «Սուրբ զրույց» կտավը մոտ 30 տարի չի ցուցադրվել պատկերասրահներում: Վերածննդի լավագույն նկարիչներից մեկը համարվող Տիցիանը ստեղծագործել է աստվածաշնչյան և առասպելական թեմաներով, նկարել է նաև դիմանկարներ: Նրան պատվերներ են տվել թագավորները, Հռոմի պապը և իշխաններ: Դեռ 30 տարին չբոլորած Տիցիանը հռչակվել է Վենետիկի լավագույն նկարիչ: