«Առաջին լրատվական»-ի տեղեկություններով, ոստիկանության կազմակերպված հանցավորության դեմ պայքարի գլխավոր վարչությունում երկու անձանց դեմ նյութեր են նախապատրաստվել: Ըստ մեր տեղեկությունների այդ անձինք НТВ+ վճարովի ծառայություններից օգտվելու համար մոտ 50 քաղաքացիների արբանյակային թվայնացուցիչների վրա համապատասխան ծրագրեր են տեղադրել, որոնք փաթեթի բոլոր ալիքները թույլ են տվել դիտել անվճար։ Նախապատրաստված նյութերն ուղարկվել են քննչական գլխավոր վարչություն։
Բացահայտնված անձինք այդ կերպ իրենց մատուցած ծառայության դիմաց յուրաքանչյուր քաղաքացուց ամսական 2000-2500 դրամ գումար են ստացել։
