Իրանի անվտանգության ծառայությունը տեղեկացնում է, որ հանցավոր խմբի ձերբակալված անդամները, ովքեր թմրամիջոցներ են տեղափոխել Իրանից Ադրբեջան, խոստովանել են Բաքվի պաշտոնյաների հետ ունեցած իրենց կապերի մասին:
Ինչպես հաղորդում է Press TV-ն, անանուն աղբյուրի հաղորդմամբ՝ Իրանի ոստիկանությունը վերջին մի քանի շաբաթների ընթացքում հայտնաբերել և ձերբակալել է թմրամիջոցների մաքսանենգությամբ զբաղվող մի քանի ադրբեջանցիների:
Աղբյուրի հաղորդմամբ՝ ադրբեջանցիները թմրամիջոցները Իրանի սահմանից տեղափոխում են Ռուսաստան և Եվրոպա Լեռնային Ղարաբաղի տարածքով:
Կալանքի տակ գտնվող մաքսանենգներից մեկը խոստովանել է, որ թմրադեղերը տեղափոխել է Ադրբեջանի ազգային անվտանգության նախարարության երկու պաշտոնյաների օգնությամբ: