Նաիրի Հունանյանը և մյուսները քաղբանտարկյալներ ե՞ն: «Առաջին լրատվական»-ի հետ զրույցում նման կերպ իր զարմանքը հայտնեց ՀԱԿ Գյումրիի տարածքային գրասենյակի ղեկավար Աշոտ Զաքարյանը` անդրադառնալով իրավապաշտպան Միքայել Դանիելյանի այն որակմանը, թե «Հոկտեմբերի 27» իրականացնողները քաղբանտարկյալներ են:
Նա չկարողացավ այս որակմանը որևէ բառ գտնել և գնահատական տալ:
«Ինձ համար այսպիսի հայտարարությունն անակնկալ էր: Ես կարծում եմ առհասարակ նույնիսկ այս հարցը քննարկման առարկա դարձնել պետք չէ, որովհետև մենք գործ ունենք դավաճանների հետ, որոնք պետական դավաճանություն են իրականացրել, և այսօր այդ մարդկանց որակել, որպես քաղբանտարկյալ՝ պարզապես խոսքեր չունեմ ավելացնելու»,- եզրափակեց իր խոսքը Աշոտ Զաքարյանը:
Հիշեցնենք, որ այսօր տեղի ունեցած ասուլիսի ընթացքում, անդրադառնալով կրոնի և խղճի ազատության սահմանափակման խնդրին, իրավապաշտպան Միքայել Դանիելյանը նշել էր, որ խղճի գերի է համարում ՀԱԿ ակտիվիստ Տիգրան Առաքելյանին, իսկ որոշ չափորոշիչներով՝ քաղբանտարկյալներ է համարում նաև Հոկտեմբերի 27-ը իրականացնողներին:
